Wikileaks დამფუძნებელი, ჟულიან ასანჟი, ლონდონში, ეკვადორის საელჩოში დააკავეს. ინფორმაციას BBC ავრცელებს. ასანჟი ეკვადორის საელჩოს 2012 წლიდან აფარებდა თავს. პოლიციამ ასანჟი მას შემდეგ დააკავა, რაც ეკვადორმა მას საელჩოში თავშესაფრის მიცემაზე უარი უთხრა.

როგორც ეკვადორის პრეზიდენტმა, ლენინ მორენომ განმარტა, ასანჟმა საერთაშორისო კონვენციები არაერთხელ დაარღვია, რის გამოც თავშესაფრის უფლება ჩამოართვა.

ჟულიან ასანჟი ცნობილი საიტის WikiLeaks-ის დამფუძნებელია. საიტი წლების განმავლობაში აქვეყნებდა სხვადასხვა სახის სახელმწიფო საიდუმლო ინფორმაციას, საჯარო პირების პირად მიმოწერასა და სხვა სახის ინფორმაციას.

ასანჟის სამართლებრივი დევნა შვედეთში დაიწყო, სადაც მას სექსუალური შევიწროვებასა და ძალადობას ერთდროულად რამდენიმე ქალი ედავებოდა. ასანჟმა თავი დიდ ბრიტანეთს შეაფარა, სადაინაც შვედეთმა მისი ექსტრადირება მოითხოვა. ამის შემდეგ ის ეკვადორის საელჩოს აფარებს თავს.

2017 წელს შვედეთამ მის წინააღმდეგ სამართლებრივი დევნა შეწყვიტა, თუმცა ასანჟს ბრიტანელი სამართალდამცავები 2012 წელს სასამართლო დადგენილების დაუმორჩილებლობისა და სამართლისგან მიმალვას ედავებიან.