თბილისში, კრწანისის ქუჩაზე ტექინსპექტირებაგავლილი ავტობუსი ბორდიურზე ავარდა. TV პირველთან საუბარში მძღოლი აცხადებს, რომ მუხრუჭებმა არ დაიჭირა და მანქანის გაჩერება ვერ შეძლო, ამიტომ გზიდან გადაუხვია. შემთხვევის შედეგად არავინ დაშავებულა.

როგორც On.ge-ს სატრანსპორტო სამსახურში განუცხადეს, ზუსტი მიზეზი ამ ეტაპზე უცნობია და მას შესაბამისი სამსახურები დაადგენენ. უწყებაში განმარტავენ, რომ ამ ავტობუსს გავლილი ქონდა სავალდებულო ტექნიკური ინსპექტირება. მათივე თქმით, ავტობუსები გადიან ყოველდღიურ შემოწმებასაც.