ფინანსთა სამინისტროს საგამოძიებო სამსახურის ინფორმაციით, თბილისში ცხენისა და ვირის ხორცის რეალიზებაში 2 პირი ამხილეს. უწყებაში განმარტავენ, რომ ბრალდებულები რეგიონებში დაბალ ფასში იძენდნენ ცხენისა და ვირის ხორცს და თბილისში, კუსტარული წესით მოწყობილ ე.წ. ბიონში, სანიტარული ნორმების დაცვის გარეშე არბილებდნენ, რის შემდეგაც კვების ობიექტებს ამარაგებდნენ.

უწყების განცხადებით, ბაზრობაზე, ასევე რამდენიმე ობიექტზე ამოღებულია დიდი ოდენობით ხორცი, რომელიც ექსპერტიზის დასკვნის თანახმად, შეიცავს ცხენის და ვირის დნმ-ს. მათი თქმით, ე.წ. ბოინში აღმოაჩინეს ცხენისა და ვირის სხეულის ნაწილებიც.

საქმეზე გამოძიება საქართველოს სისხლის სამართლის კოდექსის 180-ე მუხლის მეორე ნაწილით მიმდინარეობს, რაც თაღლითობას გულისხმობს. მუხლი სასჯელის სახით ითვალისწინებს თავისუფლების აღკვეთას ვადით 4-დან 7 წლამდე ვადით.