თბილისის მეტროს საბურთალოს ხაზი 9 აპრილსაც ხარვეზის გამო გაჩერდა. როგორც თბილისის სატრანსპორტო კომპანიაში On.ge-ს განუცხადეს, რომ მოძრაობა დაახლოებით ექვსი წუთი შეჩერდა.

კომპანიის ინფორმაციით, მატარებელს ხარვეზი მეტროსადგურ ტექნიკურ უნივერსიტეტზე შეექმნა. დაზიანებული მატარებელი ჩიხში გადაიყვანეს.

ეს პირველი შემთხვევა არაა, როცა თბილისის მეტრო ტექნიკური ხარვეზის გამო ჩერდება. ბოლო რამდენიმე კვირის განმავლობაში მეტრო მინიმუმ სამჯერ გაჩერდა.