სამოქალაქო აქტივისტი გიგა მაქარაშვილის მორიგ მსვლელობას აპირებს. დამოუკიდებლობის მარში 9 აპრილს გორში დაიწყება და 26 მაისს მესტიაში დასრულდება. როგორც მსვლელობის ღონისძიებაშია აღწერილი, გიგა მაქარაშვილი ამ ხნის განმავლობაში 50-მდე ქალაქსა და 400-მდე სოფელს გაივლის.

პირველი მსვლელობა აქტივისტმა 2008 წლის აგვისტოს ომის ათი წლისთავთან დაკავშირებით მოაწყო. მან საქართველოს ოკუპაცია თბილისიდან საოკუპაციო ხაზამდე ფეხით მსვლელობით გააპროტესტა.

კიდევ ერთი მსვლელობა მაქარაშვილმა სოხუმის დაცემას მიუძღვნა. მან მსვლელობა 14 სექტემბერს თბილისიდან დაიწყო და 13 დღეში ენგურის ხიდზე დაასრულა.