თბილისის სატრანსპორტო კომპანიამ გოცირიძის მეტროსადგურის რეაბილიტაციისთვის ტენდერი მეოთხედ გამოაცხადა. ამ შემთხვევაშიც სავარაუდო ღირებულება 2 045 650 ლარია. განაცხადების მიღება 19 აპრილს იწყება და 24 აპრილს დასრულდება.

მეტროსადგურის არაერთი დაზიანება აქვს, რომელიც ექსპერტიზის დასკვნით არის დადასტურებული. დასკვნა სატენდერო დოკუმენტებშია ატვირთული. თბილისის სატრანსპორტო კომპანიის ინფორმაციით, დაზიანებები მოქალაქეებს საფრთხეს არ უქმნის.

კვლევის შედეგები

ფოტო: შპს მდგრადობის ექსპერტი

რამდენიმე დეტალი კვლევიდან:

  • დასკვნაში ვკითხულობთ, რომ ნალექების ზემოქმედებით დაზიანებულია პორტალის ცალკეული უბნები, ხოლო ერთ-ერთ უბანზე, კოროზიის გამო მოგლეჯილია ბეტონის დამცავი შრის დაახლოებით 0,5 მეტრის სიგრძის მონაკვეთი;
  • ცალკეულ უბნებში დაწყებულია ბეტონის გამოტუტვის პროცესი, გაშიშვლებულია მუშა არმატურა და დაწყებულია კოროზიის პროცესი;
  • დაზიანებულია გადამტიხრავი, არამზიდი კედლებიც, მათში გაჩენილია 3-5 მმ გახსნილობისა და 3-5 მ სიგრძის დამახასიათებელი დაჭრილი, გამჭოლი ბზარები.

ამ დრომდე გამოცხადებული სამი ტენდერიდან ორი არ შედგა (არავინ მიიღო მონაწილეობა), ერთ შემთხვევაში კი მონაწილე კომპანიას დისკვალიფიკაცია მიენიჭა.