დღეიდან, 29 მარტიდან ძუძუს კიბოთი დაავადებულ პაციენტებს ექნებათ ერთიანი სივრცე, სადაც მიიღებენ და გაუზიარებენ ინფორმაციას გამოჯანმრთელებისთვის. ისინი შეძლებენ, მიიღონ გამოცდილება ყოფილი პაციენტებისგან, დახმარება სხვადასხვა თანადაფინანსების მოსაპოვებლად. ონკოპაციენტები გაიგებენ, თუ რა მნიშვნელობა აქვს ადრეულ ეტაპზე აღმოჩენილი დაავადების მკურნალობასა და სხვადასხვა სამკურნალო პროგრამებში ჩართვას. ნებისმიერი სახის კონსულტაცია უფასო იქნება.

"წლების განმავლობაში ჩემი ოცნება იყო, რომ ასეთ ცენტრი გახსნილიყო. მოგვეცა საშუალება გვქონდეს შეხვედრების ადგილი, ერთგვარი კომფორტის ზონა. ბევრი ონკოპაციენტი დღეს არც არის ინფორმირებული, პაციენტთა უფლებებზე, სახელმწიფო პროგრამებზე. ჩემი გუნდი დიდი სიხარულით გაცნობებთ, რომ ამაში მოგეხმარებით", — ამბობს ევროპა დონა საქართველოს პრეზიდენტი, ანა მაზანიშვილი.

"ვარდისფერი სივრცის" ასამოქმედებლად ევროპა დონა ჯორჯიას ეივონ საქართველომ გადასცა 50 ათასი ლარი. სივრცე თბილისში, პეკინის #10-ში იფუნქციონირებს და აპრილის დასაწყისიდან ყველა მსურველისთვის იმოქმედებს ცხელი ხაზი.