საქართველოს პრეზიდენტის ადმინისტრაციაში რეორგანიზაცია დასრულდა და ჯამში 63 ადამიანთან აღარ გაგრძელდა თანამშროლობა. ამის შესახებ On.ge-ს პრეზიდენტის პრესსპიკერმა, ხატია მოისწრაფიშვილმა განუცხადა.

მისი თქმით, თანამშრომლები რეორგანიზაციის პროცესში გათავისუფლდნენ, რომელიც დაგეგმილი იყო ახალი პრეზიდენტის არჩევამდე. ისინი კომპენსაციის სახით ჯამში 436 500 ლარს მიიღებენ.

"ფინანსთა სამინისტრომ მოამზადა შესაბამისი განკარგულება, რომლის საფუძველზეც გაიცემა საკომპენსაციო თანხა", — აღნიშნა მოისწრაფიშვილმა და განმარტა, რომ ეს თანხა პრეზიდენტის ადმინისტრაციიდან არ დაიფარება.