ადამიანის უფლებათა დაცვის კომიტეტის თავმჯდომარემ, სოფო კილაძემ პარლამენტში ბავშვთა კოდექსის განხილვაზე თქვა, რომ ბავშვები მშობლის ან კანონიერი წარმომადგენლის თანხლების გარეშე ღამის კლუბში 18 საათის შემდეგ არ დაიშვებიან.

ჩვენ წარმოვიდგინეთ, როგორი იქნებოდა დედასთან ერთად ღამის კლუბში გართობა და რა ფრაზებს მოვისმენდით ღამის განმავლობაში:

1. გაგიხსნის მალე და მოიცვი ჟაკეტი

2. ეს დიჯეი შენი დამრიგებლის შვილს არ ჰგავს?

3. ჭამე დე, სამი დღეა რეივობ და ლუკმა არ ჩაგიდია პირში

4. ძაან კაი გოგო ცეკვავს სთეიჯთან, მიდი, დაელაპარაკე

5. შაკო და მამამისი შემხვდნენ გარდერობთან და მიესალმე, უხერხულია

6. ნეტაი რას ხედავ ამ ღამე მაგ სათვალით

7. თუ გაოფლიანდები, გამოსაცვლელები მე მაქვს

8. აქაურ ტუალეტებში შევიხედე და სახლამდე მოთმენა ჯობია

9. ნანას გოგოს ფეისკონტროლი ვერ გაუვლია, არადა რა სჭირს ამათი დასაწუნი!

10. აპაპაპა, დარქ რუმი არ გამაგონო!