ფინანსთა სამინისტროს საგამოძიებო სამსახურის განცხადებით, სამართალდამცავებმა თბილისში აზარტული თამაშებისთვის განკუთვნილი ხუთი აპარატი ამოიღეს.

უწყების ცნობით, აღნიშნული აპარატები ორ პირს ეკუთვნოდა და ისინი უკანონოდ იყო განთავსებული თბილისში ბაზრობების მიმდებარე ტერიტორიებსა და სხვა ხალხმრავალ ადგილებში.

საქმეზე გამოძიება საქართველოს სისხლის სამართლის კოდექსის 192-ე მუხლის პირველი და მეორე ნაწილებით მიმდინარეობს. ამ მუხლით სისხლის სამართლის პასუხისმგებლობა უკანონო სამეწარმეო საქმიანობისთვის დგება და სამიდან ხუთ წლამდე პატიმრობაა გათვალისწინებული.