ატლანტის ოკეანეში სამეფო სამაშველო ჯგუფმა რვასაათიანი სამაშველო ოპერაცია ჩაატარა, რა დროსაც დაზიანებული გემის ბორტიდან, რომელსაც ცეცხლი გაუჩნდა და იძირებოდა, 28 ადამიანის გადარჩენა მოხერხდა.

გადარჩა ბორტის უკლებლივ ყველა წევრი, თუმცა, იტალიური გემი, რომელსაც დანიშნულების ადგილამდე 2 ათასი მანქანა გადაჰქონდა, საბოლოოდ ჩაიძირა — გემთან ერთად ოკეანის ფსკერზე აღმოჩნდა 37 პორშეც.

დიახ, გემი, რომელიც ბრაზილიაში მიემგზავრებოდა, ჯამში მილიონობით დოლარის ღირებულების მანქანებით იყო დატვირთული. 37 პორშედან ოთხი 2019 წლის თებერვალში გამოშვებული 911 GT2 RS მოდელი იყო, რომლის ღირებულებაც $293,200-ია.

აღნიშნული სიტუაციიდან გამომდინარე პორშეს წარმომადგენლებმა გადაწყვიტეს, რომ ძვირადღირებული მანქანების კლიენტებს ზარალი აუნაზღაურდებათ და მათ ხელმეორედ გაუგზავნიან კუთვნილ მანქანებს.