გაერომ მსოფლიო ბედნიერების 2019 წლის ანგარიში გამოაქვეყნა, რომელშიც საქართველო 156 ქვეყანას შორის 119-ე ადგილს იკავებს. 2018 წელთან შედარებით, საქართველოს პოზიცია ცხრა ქულით გაუმჯობესდა.

კვლევაში საქართველოს ოთხივე მეზობელი ქვეყანა უსწრებს. რეიტინგის მიხედვით, რუსეთი 68-ე, თურქეთი 79-ე, აზერბაიჯანი 90-ე, ხოლო სომხეთი 116-ე ადგილზეა.

ფოტო: UN

წლევანდელი რეიტინგის მიხედვით, ბედნიერი ქვეყნების ათეული ასე გამოიყურება:

  1. ფინეთი
  2. დანია
  3. ნორვეგია
  4. ისლანდია
  5. ნიდერლანდები
  6. შვეიცარია
  7. შვედეთი
  8. ახალი ზელანდია
  9. კანადა
  10. ავსტრია

ფოტო: UN

რეიტინგში ბოლო, 156-ე ადგილს სამხრეთ სუდანი იკავებს. მანამდე კი არიან: ცენტრალური აფრიკის რესპუბლიკა, ავღანეთი, ტანზანია და რუანდა. მსოფლიო ბედნიერების პირველი ანგარიში გაერომ 2012 წელს გამოაქვეყნა. ქვეყნების რიგითობა რამდენიმე ფაქტორს ეფუძნება, მათ შორის, ერთ სულ მოსახლეზე მთლიან შიდა პროდუქტს, ცხოვრების ხანგრძლივობას, თავისუფლებას, გულუხვობას, სოციალურ მხარდაჭერასა და კორუფციის დონეს.