2019 წელს საკულტო ამერიკული ფილმის ქარწაღებულნი გამოსვლიდან 80 წელი გადის. ამ თარიღის აღსანიშნავად, ამერიკულ კინოთეატრებში სულ რაღაც ერთი კვირით ფილმის მხოლოდ ექვსი სეანსი მოეწყო, თუმცა აღმოჩნდა, რომ ამ მცირე დროშიც კი კინოსურათმა რეკორდულად მაღალი მაჩვენებელი დააფიქსირა.

მხოლოდ ექვსი სეანსის გაყიდული ბილეთების შემოსავალი $2,23 მილიონი დოლარი იყო. ასეთი მაღალი მაჩვენებელი აქამდე ჰოლივუდის არც ერთ სხვა კლასიკურ ფილმს არ უჩვენებია, გარდა ოზის ჯადოქრებისა, რომელიც ამ წლის დასაწყისში ასევე მხოლოდ ექვსჯერ გავიდა კინოთეატრებში და $2 მილიონი დააგროვა.

ჰოლივუდის კლასიკად ქცეული ფილმები კინოთეატრებში ხშირად გადის, თუმცა სპეციალური ჩვენებები, რაც მთელი ქვეყნის მასშტაბით დაგეგმილ ჩვენებებს გულისხმობს, მხოლოდ გამოსვლის იუბილესთან დაკავშირებით ეწყობა.

მაგალითად, ამ წლის განმავლობაში მთელი ამერიკის მასშტაბით დაგეგმილია ჩემი მშვენიერი ლედის, ნუ მოკლავ ჯაფარასა და ბენ-ჰურის ჩვენებები. საინტერესოა, რომელიმე მათგანი თუ მოახერხებს მოხსნას ქარწაღებულნის რეკორდი.

ქარწაღებულნი ვიქტორ ფლემინგის მიერ, მარგარეტ მიტჩელის ამავე სახელწოდების რომანის მიხედვით გადაღებული ფილმია.

სურათში მთავარ როლებს ვივიენ ლი, კლარკ გეიბლი, ოლივია დე ჰავილანი, ლესლი ჰოვარდი, ჰეტი მაკდანიელი და სხვები.