პარლამენტის თავმჯდომარემ, ირაკლი კობახიძემ მოსამართლეების შერჩევაზე უმრავლესობის მიერ ინიცირებული კანონპროექტის კენჭისყრის დაწყებამდე დეპუტატებს წითელი და მწვანე ღილაკების დანიშნულება განუმარტა.

"მწვანე არის თანხმობა, წითელი — უარყოფა", — მიმართა კობახიძემ დეპუტატებს, რაზეც პარლამენტის წევრებმა გაიცინეს და მას ტაში დაუკრეს. კობახიძემ დასძინა: "ბატონმა გიგამ [ბოკერიამ] ამიყოლია".

გუშინ, 2019 წლის 19 მარტს პარლამენტმა დიასპორის საკითხების კომიტეტის თავმჯდომარეობიდან ზვიად კვაჭანტირაძე არასაკამრისი ხმების გამო ვერ გადააყენა. მოგვიანებით, უმრავლესობის წევრებმა განაცხადეს, რომ დეპუტატების ნაწილს ღილაკი აერია.