შინაგან საქმეთა სამინისტროს ინფორმაციით, ბათუმში ექვსი პირი გამოძალვის ბრალდებით დააკავეს.

უწყების ცნობით, ბრალდებულების ნაწილი რესტორან ბოკვერსა და კლუბ ფაშაში მუშაობდა, სადაც ისინი იქ მყოფ უცხოელებს არარსებული მენიუს საზღაურს და რეალურ ღირებულებაზე მეტ თანხას სიცოცხლის მოსპობის მუქარით სისტემატურად ახდევინებდნენ.

საქმეზე გამოძიება სისხლის სამართლის კოდექსის 181-ე მუხლის მე-2 ნაწილის "ა" ქვეპუნქტით მიმდინარეობს, რაც ჯგუფურად ჩადენილ გამოძალვას გულისხმობს. ბრალის დამტკიცების შემთხვევაში მათ 4-დან 7 წლამდე პატიმრობა ემუქრებათ.