იუსტიციის მინისტრი, თეა წულუკიანი არ აპირებს, უახლოეს მომავალში გაახმოვანოს მმართველ გუნდთან შეუთანხმებლობის საკითხი, რაც მის მინისტრად დარჩენა-არდარჩენას გადაწყვეტს. ჟურნალისტის კითხვაზე, თუ რა ღირებულებით საკითხებზე მიმდინარეობს დისკუსია, წულუკიანი ასე პასუხობს:

"როდესაც მექნება თეთრი თმა, გავიზრდი თმებს და გავიკეთებ დიდ კოსას და თქვენ, რა თქმა უნდა, მაშინ ისევ ახალგაზრდები იქნებით, შეიძლება ამ თემაზე ვისაუბრო, მაგრამ არ ვთვლი საჭიროდ თემის დაკონკრეტებას".

მინისტრი ამბობს, რომ ამაზე საერთოდ არ ისაუბრებდა, თემა "გარეთ რომ არ გამოსულიყო".

"მეშვიდე წელი დაიწყო, რაც არცერთი კომენტარის დროს მე თქვენთვის ტყუილი არ მითქვამს. რახან იყო სიმართლე, დაგიდასტურეთ", — უთხრა წულუკიანმა ჟურნალისტებს.

წულუკიანმა დღეს, 12 მარტს აღნიშნა, რომ პირველი შემთხვევაა, როდესაც სურვილი გაუჩნდა, საჭიროების შემთხვევაში პოსტი სხვას დაუთმოს. მანვე განმარტა, რომ აღმასრულებელ ხელისუფლებასთან დისკუსიის შედეგად, "დღეს უნდა გადაწყდეს მისი საკითხი, ვინაიდან "სასაუბრო აღარაფერი დარჩა".