Google-მა ქალთა საერთაშორისო დღეს ლამაზი და ამავდროულად შინაარსით დატვირთული Doodle გამოაქვეყნა და ასე მიულოცა მსოფლიოს 8 მარტი.

სლაიდშოუში 13 შთამაგონებელი ქალის გამონათქვამებს ვხედავთ. მათ შორის ფრიდა კალოს, იოკო ონოს, მარინა ცვეტაევას სიტყვებია. დუდლის ავტორი ბრიტანელი დიზაინერი და ილუსტრატორი კეტი ფორესტერია.

როგორც Google-ის მილოცვაში ვკითხულობთ, მათ ძალიან გაუჭირდათ მხოლოდ 13 ფრაზის შერჩევა, რომლებშიც ქალები ერთმანეთს აძლიერებენ.

გთავაზობთ ფრაზების თარგმანს ქალების მიერ შექმნილი გუგლის დუდლიდან:

1. "არასდროს დაუწესო საკუთარი თავს ლიმიტი სხვების შეზღუდული წარმოსახვის გამო", - მეი ჯემისონი, ამერიკელი ავსტრონავტი.

მეი ჯემისონი

ფოტო: Wikipedia

2. "რაში მჭირდება ფეხები, როცა საფრენად ფრთები მაქვს?" - ფრიდა კალო, მექსიკელი მხატვარი.

ფრიდა კალო

ფოტო: Tony Frissell / Vogue

3. "შინაგანი სიმართლის გარდა, არაფერს მისცე შენი შეჩერების უფლება", - ემა ჰერვეგი, გერმანელი მწერალი.

ემა ჰერვეგი

ფოტო: Wikipedia

4. "როცა მარტო ოცნებობ, ოცნება ოცნებად რჩება. ოცნება, რომელსაც სხვებთან იზიარებ, რეალობაა", - იოკო ონო, იაპონელი ხელოვანი.

იოკო ონო

ფოტო: Everett Collection

5. "მეტისმეტად ძვირფასნი ვართ იმისთვის, რომ იმედგაცრუება ჩვენს გონებაში შევუშვათ", - ბენო ზეფინი, ინდოელი დიპლომატი.

ბენო ზეფინი

ფოტო: rediff

6. "არასდროს თქვა, რომ სუსტი ხარ, იმის გამო, რომ ქალი ხარ", - მერი კომი, ინდოელი ბოქსიორი.

მერი კომი

ფოტო: AFP

7. "მე საკუთარ თავზე ძლიერი ვარ", - კლარის ლისპექტორი, ბრაზილიელი ნოველისტი.

კლარის ლისპექტორი

ფოტო: Paulo Gurgel Valente

8. "მე მჯერა მომავლის იდეის", - ზაჰა ჰადიდი, ბრიტანელ-ერაყელი არქიტექტორი.

ზაჰა ჰადიდი

ფოტო: Steve Double

9. "სიმამაცე უხმობს სიმამაცეს", - მილისენტ ფაუსეტი, ბრიტანელი მწერალი და სუფრაჟისტი.

მილისენტ ფაუსეტი

ფოტო: Getty Images

10. "ფრთები თავისუფლებას მხოლოდ მაშინ განიჭებს, როცა ისინი ფართოდ გაშლილია საფრენად. ზურგზეა შემოკეცილი კი უბრალოდ გამძიმებს", - მარინა ცვეტაევა, რუსი პოეტი.

მარინა ცვეტაევა

ფოტო: Wikipedia

11. "მომავალი იმაზე ლამაზი შეიძლება იყოს, ვიდრე წარსული", - ჟორჟ სანდი, ფრანგი ნოველისტი.

ჟორჟ სანდი

ფოტო: BBC

12. "ადამიანს, რომელსაც ერთი ოცნება მაინც აქვს, სიძლიერის მიზეზიც აქვს", - სანმაო, ტაივანელი მწერალი.

სანმაო

ფოტო: El Pais

13. "მე მნიშვნელოვანი ვარ. მე ვარ თანაბრად მნიშვნელოვანი და არა სათუოდ. საზღვრების გარეშე. მე თანაბრად მნიშვნელოვანი ვარ. წერტილი", - ჩიმამანდა ადიჩი, ნიგერიელი მწერალი.

ჩიმამანდა ადიჩი

ფოტო: Jack Taylor / Getty Images