როგორც მკვლევარები ამბობენ, ქალები არასდროს არიან ჰეტეროსექსუალები.

კვლევა, რომელიც ესექსის უნივერსიტეტის ფსიქოლოგიის განყოფილების პროფესორმა ჯერალფ რიჯერმა ჩაატარა, ამტკიცებს, რომ ყველა ქალი ლესბოსელი ან ბისექსუალია.

რიჯერმა, კვლევის მონაწილე 235 ქალს შიშველი მამაკაცისა და ქალის ვიდეოები უჩვენა და აკვირდებოდა მათ რეაქციებს. საბოლოოდ აღმოჩნდა, რომ კვლევაში მონაწილე 82 პროცენტს ერთნაირად აღაგზნებს ორივე სქესის წარმომადგენელი.

ასევე გამოვლინდა, რომ ქალების 74 პროცენტი, რომლებიც საკუთარ ორიენტაციას მკაცრად ჰეტეროსექსუალად განსაზღვრავდნენ, ერთნაირად რეაგირებდნენ როგორც ქალებზე, ისე მამაკაცებზე.

"მიუხედავად იმისა, რომ ქალების ძირითადი ნაწილი საკუთარ თავს ჰეტეროსექსუალს უწოდებს, კვლევამ ცხადყო, რომ მათ ერთნაირად იზიდავთ ორივე სქესის წარმომადგენელი, ანუ ისინი არიან ან ლესბოსელები, ან გეები და არასდროს ყოფილან ჰეტეროსექსუალები" - ამბობს პროფესორი ჯერალფ რიჯერი.

რიჯერმა, ასევე აღნიშნა, რომ კვლევამ კიდევ ერთი საინტერესო დეტალი გამოავლინა, ლესბოსელებს, რომლებიც მასკულინური მანერებითა და ჩაცმულობით გამოირჩევიან, სინამდვილეში მასკულინური შინაგანი სამყარო და ქცევები არ აქვთ.

"კვლევამ დაამტკიცა, რომ თუ ქალები, საჯაროდ რამე იმიჯს ირგებენ, ეს საერთოდ არ ნიშნავს იმას, რომ ჩვენ რეალურად ყველაფერი ვიცით მათი სექსუალობის შესახებ".

YouGov-ის მონაცემებით, დიდ ბრიტანეთში გამოკითხული ორი ახალგაზრდიდან ერთი საკუთარ ორიენტაციას მკაცრად ჰეტეროსექსუალად არ განსაზღვრავს.