ჯონი დეპი ამბერ ჰერდს რეპუტაციის შელახვის ბრალდებით უჩივის
ამერიკელმა მსახიობმა ჯონი დეპმა ყოფილი ცოლის და ასევე მსახიობის ამბერ ჰერდის წინააღმდეგ სასამართლოში სარჩელი შეიტანა. დეპი რეპუტაციის შელახვის ბრალდებით მისგან 50 მილიონ დოლარს ითხოვს.
ჯონი დეპი ამტკიცებს, რომ ამბერ ჰერდი თაღლითურად საჯაროდ აბრალებდა მას ოჯახურ ძალადობას.
სარჩელი 2018 წლის დეკემბერში Washington Post-სთვის ჰერდის მიერ დაწერილ ოპ-ედს მოჰყვა, რომელშიც ის გადატანილი ძალადობის გამოცდილებას აღწერდა. ტექსტში ჯონი დეპის სახელი არ იყო მოხსენიებული, თუმცა მისი სარჩელის მიხედვით, ოპ-ედი მიუთითებდა, რომ დეპი დამნაშავე იყო.
"ჰერდმა დაწერა, რომ მასზე საზოგადოებისთვის ცნობილი ფიგურა ძალადობდა და დაადასტურა, რომ ისიც ისევე განიცდიდა კულტურულ წნეხს, როგორც ის ქალები, რომლებიც სექსუალური ძალადობის გამოცდილებაზე საჯაროდ ლაპარაკობენ. ოპ-ედი მიუთითებდა, რომ ჰერდი ოჯახური ძალადობის მსხვერპლი იყო და მის მიმართ დანაშაულს დეპი სჩადიოდა", - წერია სარჩელში.
ჯონი დეპის ადვოკატები დასძენენ, რომ მსახიობის შესახებ ძალადობაზე გავრცელებული ცნობები "კატეგორიული სიცრუეა".
ჰერდის ადვოკატმა ერიკ ჯორჯმა განაცხადა, რომ ადვოკატების ნაბიჯი დეპის კიდევ ერთი მცდელობაა, რომ ამბერი გააჩუმოს:
"მას [ამბერ ჰერდს] ვერ გააჩუმებენ. დეპის ქმედებები მიუთითებს, რომ მას არ შეუძლია იმ ძალადობრივი ქცევების გაცნობიერება და სიმართლის მიღება. სანამ ის თავს საჯაროდ ინადგურებს, ჩვენ მის უსაფუძვლო სარჩელს გავაქარწყლებთ და დავასრულებთ ჩემი კლიენტის დაუსრულებელ შევიწროებას მისი და მისი წარმომადგენლების მხრიდან".
ჯონი დეპი და ამბერ ჰერდი 2016 წლის აგვისტოში განქორწინდნენ. ჰერდმა დეპის წინააღმდეგ შემაკავებელი ორდენიც მოითხოვა 2016 წლის მაისში მომხდარი ოჯახური ძალადობის შემთხვევის შემდეგ. ჰერდი აცხადებდა, რომ ურთიერთობის განმავლობაში ის დეპის მხრიდან ფიზიკური და ვერბალური ძალადობის მსხვერპლი იყო.
განქორწინების შემდეგ, დეპმა და ჰერდმა გაუთქმელობის შეთანხმება დადეს და ერთობლივი წერილიც გამოაქვეყნეს:
"ჩვენი ურთიერთობა ვნებიანთან ერთად, ხანდახან ძალადობრივიც იყო, თუმცა ყოველთვის სიყვარული გვაერთიანებდა. არც ერთ მხარეს წაუყენებია ყალბი ბრალდება ფინანსური კეთილდღეობის მოპოვების მიზნით. არასდროს გვსურდა ერთმანეთისთვის ფიზიკური ან ემოციური ზიანის მიყენება. ამბერი ჯონს ყველაფერს საუკეთესოს უსურვებს და განქორწინებისას მიღებულ თანხას ქველმოქმედებას მოახმარს".
დეპის ადვოკატები აცხადებენ, რომ ამბერდის ოპ-ედი Aquaman-ის გამოსვლის წინა დღეს დაემთხვა, რამაც დეპის კარიერაზე უარყოფითად იმოქმედა.
დეპმა ასევე მონაწილეობა მიიღო Fantastic Beasts: The Crimes of Grindelwald-ში, რასაც ჰარი პოტერის ფანების ნაწილი კრიტიკით შეხვდა. მაშინ როულინგმა განაცხადა, რომ კმაყოფილი იყო იმით, რომ მის ფილმში როლი დეპმა მიიღო. გულშემატკივრების ნაწილი მის ამ გადაწყვეტილებას არ ეთანხმებოდა, რადგან როულინგი თავისი წიგნებში ჩაგვრის წინააღმდეგ გამოდის. იმედგაცრუებულთა შორის იყო ჰარი პოტერის როლის შემსრულებელი დენიელ რედკლიფიც.
2018 წლის ზაფხულში, ჯონი დეპი ფილმ City of Lies გადასაღებ მოედანზე ჯგუფის ერთ-ერთ წევრზე თავდასხმაში საჯაროდ დაადანაშაულეს.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
კომენტარები