ლიეჟის შემდეგ ექსპრეზიდენტ მიხეილ სააკაშვილის მოწინააღმდეგე ემიგრანტები რომში შეიკრიბენ, სადაც "საქართველოს მომავლის ფორუმი" მიმდინარეობს. ისინი სააკაშვილისა და მისი მხარდამჭერების შეხვედრის პარალელურად საპროტესტო აქციას მართავენ.

მათი განცხადებით, შეხვედრაზე რეგისტრაცია გაიარეს, თუმცა ორგანიზატორები შესვლის უფლებას არ აძლევენ. მათივე თქმით, სურდათ მიხეილ საააკაშვილისთვის განსხვავებული აზრი ეთქვათ, თუმცა მას მოსმენა არ სურს.

ფოტო: კადრი ვიდეოდან / პირველი არხი

ადგილზე მობილიზებულმა იტალიელმა სამართალმდაცვავებმა პროტესტის მონაწილეებს სასტუმროს ეზო დაატოვებინეს და მოპირდაპირე ქუჩაზე გადაიყვანეს. როგორც შეხვედრის დაწყებამდე ორგანიზატორმა, გიორგი სიგუამ განაცხადა, ლიეჟში განვითარებული მოვლენების თავიდან ასაცილებლად დაცვის ზომები გაძლიერებულია.

სააკაშვილის ემიგრანტებთან შეხვედრას ამჯერად არა "თანამემამულეთა მსოფლიო კრება", არამედ "საქართველოს მომავლის ფორუმი" ქვია. ესქპრეზიდენტის მხარდაჭერების განცხადებით, შეხვედრაზე საქართველოს ეკონომიკური განვითარების გეგმა და სამშობლოში დაბრუნების გზები უნდა განიხილონ.

"თანამემამულეთა მსოფლიო კრება" და დაპირისპირება ლიეჟში

10 თებერვალს ბელგიის ქალაქ ლიეჟში კონგრესის სასახლესთან "თანამემამულეთა მსოფლიო კრების" პარალელურად ექსპრეზიდენტის საწინააღმდეგო აქციაც გაიმართა. შეკრებილებმა განაცხადეს, რომ ისინიც ემიგრანტები არიან და სააკაშვილს მათი სახელით საუბრის უფლება არ აქვს.

კონგრესის სასახლესთან ფიზიკური დაპირისპირებაც მოხდა, როცა სააკაშვილის მოწინააღმდეგეთა ნაწილმა შენობაში შესვლა სცადა, თუმცა ორგანიზატორებმა მათ პროვოკატორები უწოდეს და შესვლის უფლება არ მისცეს. დაპირისპირებისას გამოიყენეს, სავარაუდოდ, წიწაკის სპრეი. შეხვედრის დაწყებამდე ორგანიზატორი გიორგი სიგუა აცხადებდა, რომ აქვთ ინფორმაცია მოსალოდნელი პროვოკაციების შესახებ.

აქციის მონაწილეების თქმით, მათ სურდათ კითხვები დაესვათ სააკაშვილისთვის, თუმცა ეს "სექტის შეკრებაა" და განსხვავებული აზრის მოსმენა არ სურთ. ამიტომ მათ ბანერები გაშალეს და შენობის გარეთ აქცია გამართეს.

აქციის მონაწილეებს აქვთ მოძრაობა არა ნაციზმის საპროტესტო ბანერები. ეს მოძრაობა საქართველოში წინასაარჩევნო პეროდში ჩამოყალიბდა.