პარიზში გამართულ ჩვენებაზე ესპანურმა მოდის სახლმა Balenciaga 2019 წლის შემოდგომა-ზამთრის ახალი კოლექცია დღეს, 3 მარტს წარადგინა.

ჩვენება შავ დარბაზში, შავ ხალიჩაზე გაიმართა. მოდელების დიდი ნაწილს ტანზე გადასადებ ბალენსიაგას ჩანთებში წყლის ბოთლები ედოთ.

მოდელებს ასევე ეჭირათ ქაღალდის ჩანთები...

...და უბრალოდ დიდი ზომის ხელჩანთები.

ბრიტანული მოდის ჟურნალი Dazed წერს, რომ შოუს ბარათების მიხედვით, შემოდგომა-ზამთრის 2019 წლის კოლექცია ყოველდღიურ, რეგულარულ მომხმარებლებზეა გათვლილი, რომლებიც პარიზში მოტოციკლებით დაქრიან და საჭირო პროდუქტებს ყიდულობენ მეგობრებთან შეხვედრამდე.

ან ისინი უბრალოდ შოპინგიდან მოიჩქარიან.

ბალენსიაგას 2019 წლის შემოდგომა-ზამთრის სამოსში აქცენტი კვლავ დიდი ზომის სტილზე კეთდება.

მათ შორისაა ტყავის ქურთუკები [ე.წ. დუბლიონკები] და დიდი ზომის პიჯაკები.

ასევე ბოტები და მასში ჩაკეცილი სპორტულები.

შოუში ჩანან ასაკოვანი მოდელებიც.

ბალენსიაგას შემოდგომა-ზამთრის 2019 წლის კოლექცია სრულად:

"მე მსურს რომ წარსული მოდა გასაგები და თანამედროვე გავხადო ჩემი თაობისთვის და იმ მომხმარებლისთვის, რომელსაც ვესაუბრები. რადგან ჩვენ ერთი ღირებულებით გავიზარდეთ, ერთი ინტერესებით. მე მათ ინტერნეტის პირველ თაობას ვუწოდებ" - ამბობს დემნა გვასალია 26 თებერვალს გამოქვეყნებულ ინტერვიუში WWD-სთან .