28 თებერვალს ეროვნული ბიბლიოთეკის მოძრაობა "ეკვილიბრიუმი" საოკუპაციო ხაზთან მდებარე სოფლებს მერეთსა და კოშკს ესტუმრა. სოფლის ბიბლიოთეკებს საჩუქრად წიგნები და კომპიუტერი გადაეცა.

"დიდი საქმეები გრძელდება. დღეს ეკვილიბრიუმს ევროპული სკოლის მოსწავლეები შემოურთდნენ და მათი შეგროვებული ფულით ოკუპაციის ხაზთან მდებარე ორ სოფელს თითო–თითო კომპიუტერი და წიგნები გადავეცით. თან გვახლდა ზოგიერთი მოსწავლე თბილისიდანაც. ერთი – სოფელი მერეთის სკოლაა, მეორე სოფელ კოშკში, მოხუცი ქალის, გიული ჩალაურის სახლი, რომელმაც შინ პატარა ბიბლიოთეკა მოაწყო, რადგან სოფლის სამკითხველო დაიწვა" - განაცხადა გიორგი კეკელიძემ.