საბანკო რეგულაციების ამოქმედების შემდეგ, იანვარში ბანკებში მოქალაქეებისთვის გაცემული სესხების მოცულობა დეკემბერთან შედარებით 170,2 მილიონი ლარით შემცირდა. ეროვნული ბანკის ინფორმაციით, მიმდინარე წლის პირველი თებერვლისათვის სესხების მოცულობამ 26,4 მლრდ ლარი შეადგინა. საბანკო რეგულაციები 2019 წლის პირველი იანვრიდან ამოქმედდა.

როგორც ეროვნული ბანკის განცხადებაში ნათქვამი, ეროვნული ვალუტით გაცემული სესხების მოცულობა 118,7 მილიონ ლარით (1 პროცენტით), ხოლო უცხოური ვალუტით გაცემული სესხების მოცულობა 51,5 მილიონ ლარით (3 პროცენტით) შემცირდა.

რეზიდენტ იურიდიულ პირებზე 2019 წლის იანვრის ბოლოსთვის კომერციულ ბანკებს 3,4 მილიარდი ლარის მოცულობის სესხი ჰქონდათ გაცემული, რაც წინა თვესთან შედარებით 0,4 პროცენტით ნაკლებია. უცხოურ ვალუტაში კომერციულმა ბანკებმა რეზიდენტ იურიდიულ პირებზე 8,1 მილიარდი ლარის სესხი გასცეს, რაც 0,9 პროცენტით მეტია.

2019 წლის იანვარის განმავლობაში 1,0 პროცენტით ანუ 265,8 მილიონი ლარით შემცირდა რეზიდენტი ფიზიკური პირების დაკრედიტების მოცულობა და მიმდინარე წლის პირველი თებერვლისათვის 13,9 მლრდ ლარი შეადგინა. მიმდინარე წლის პირველი თებერვლისათვის მთლიანი სესხების ლარიზაციის კოეფიციენტმა 42,79 პროცენტი შეადგინა. 2019 წლის პირველი იანვრის მდგომარეობასთან შედარებით მთლიანი სესხების ლარიზაცია შემცირდა 0,17 პროცენტული პუნქტი.

ამავე თემაზე: