ქართველი კიკბოქსიორი დავით ქირია მსოფლიო ჩემპიონი მესამედ გახდა. ამის შესახებ ინფორმაცია სპორტსმენის ფეისბუქზე გამოქვეყნდა.

ქართველი კიკბოქსიორი მსუბუქ წონით კატეგორიაში იბრძვის. ქირია 2014 წლის 8 მარტს, ხორვატიის დედაქალაქ ზაგრებში გამართული საპრომოუტერო კომპანია GLORY-ს მიერ ორგანიზებული მსოფლიოს ჩემპიონის ტიტულისთვის მატჩის გამარჯვებული გახდა. მსუბუქი წონითი კატეგორიის (70 კგ-მდე) ფინალურ შეხვედრაში სურინამელი ენდი რისტი მე-5 რაუნდში ნოკაუტით დაამარცხა.

2017 წლის 26 ნოემბერს დავით ქირიამ პარიზში გამართულ ფრანგული კიკბოქსინგის (სავატე) მსოფლიო ჩემპიონატზე ნახევარფინალში დიდი უპირატესობით დაამარცხა უკრაინელი მებრძოლი სერგეი კალიუბა, ხოლო ფინალში ასევე დიდი უპირატესობით დაამარცხა მოქმედი ჩემპიონი ფრანგი ლუდოვიკ ნასიბოუ და დაეუფლა მსოფლიოს ჩემპიონის ქამარს.