ამერიკელი მოდელი კრისტი ტარლინგტონი მაღალ მოდაში ბრუნდება. ლეგენდარულმა სუპერმოდელმა ნიუ-იორკის მოდის ჩვენებაზე მარკ ჯეკობსის შემოდგომა 2019-ის ჩვენება დახურა.

ტარლინგტონი 20 წელზე მეტია, რაც პოდიუმზე არ გამოჩენილა, თუმცა მისი დაბრუნება უცხოურმა მედიამ ტრიუმფალურად შეაფასა.

მოდელის გამოჩენა სიურპრიზი იყო დამსწრეებისთვის, იმის მიუხედავად, რომ მარკ ჯეკობსს მოდის კვირეულის გრანდიოზული დახურვა სჩვევია.

მოდელს შავი ბუმბულებიანი კაბა ეცვა, ამავე ფერის ციცქნა ქუდი და ტყავის ჩექმები. მისი კოსტიუმი შავი გედისა და გოთის ნაზავად შეფასდა.

"მარკ ჯეკობსი 16 წლიდან მიყვარს. წელს 50 წლის გავხდი და ყველა კითხვაზე ჩემ თავთან პასუხად "რატომაც არა" მაქვს. ახლა იმის თქმა შემიძლია, რომ ძალიან ამაყი და მადლიერი ვარ, რომ ჩემი გამოსვლა შესაძლებლობად იქცა", - დაწერა მან ინსტაგრამზე.