ქედაში, სოფელ ცხემნასთან მანქანა მდინარეში გადავარდა. შინაგან საქმეთა სამინისტროში On.ge-ს უთხრეს, რომ შემთხვევას ქალი ემსხვერპლა. მათივე ცნობით, დაშავებულია ოთხი ადამიანი.

საქმეზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.