თუ ფეისბუქის სქროლვისას ათასნაირი ინფორმაციით იბომბებით და ყველაზე პოპულარული სოციალური ქსელი მომაბეზრებელი, ან სულაც, ნეგატიური გეჩვენებათ, უნდა იცოდეთ, რომ ინტერნეტის კუნჭულებში ნათელი წერტილებიც არსებობენ.

მათ შორის არიან ქართული ფეისბუქ გვერდებიც, რომლებიც ნიუს ფიდში ცურვას უფრო მსუბუქსა და სახალისოს ხდიან.

და თუ რაღაც აუხსნელი მანქანებით მათზე ჯერ არ გსმენიათ, დღეს ხუთ ფეიჯს გაგაცნობთ, რომლებიც ფეისბუქის რეკლამებს, მეგობრების სტატუსებს, ფოტოებსა თუ მსოფლიო ამბებს სასაცილო პოსტებით დააბალანსებენ.

1. ქართული კინოMemeოგრაფია

ქართული კინომიმოგრაფია ძველი ქართული ფილმების პერსონაჟების ფრაზებს სხვადასხვა ცხოვრებისეულ სიტუაციებზე იდეალურად არგებს. თუ დედას ნამცხვრის პრიპასებს შეუჭამ, საყვარელ ოჯახს იპოლიტე ხვიჩიას მხიარული რომანის პერსონაჟივით დაემშვიდოებები. ამ გვერდის გარეშე, ფეისბუქი ნამდვილად მოსაწყენი იქნებოდა.

2. Memeტერატურა

მიმტერატურა იდუმალი გოგოს შესახებაა, რომელმაც ზუსტად იცის, რითი უნდა გაერთოს წიგნების მაღაზიაში — თავისი ფიქრების თუ სხვადასხვა სიტუაციების დაბოლოებებად წიგნების სათაურები გამოიყენოს. და მას ეს ძალიან კარგად გამოსდის.

3. Subterranean Humans of Tbilisi

თუ უცნაური, საინტერესო, გულისამაჩუყებელი, სასაცილო და მოკლე ისტორიების კითხვა გსურთ და მობილურიდან წიგნამდე ძალიან დიდი სულიერი მანძილია, მაშინ აუცილებლად უნდა ნახოთ ეს გვერდი. და თუ თქვენი ყურადღება ტექსტის ნაცვლად უცხოელი ვარსკვლავების ფოტოებმა მიიპყრეს, ნუ მოტყუვდებით, შეიძლება უყურადღებობისთვის განწირული ტექსტი ერთდროულად აბსურდული და თან უზომოდ რელევანტური აღმოჩნდეს.

4. ისტორიული მიმები

ეს გვერდი როგორც სახალისო, ისე საინტერესო ადგილია მათთვის, ვისაც როგორც საქართველოს, ისე მსოფლიოს ისტორია უყვარს. ამ ფეიჯის გადაკითხვას რომ მორჩებით, მისი შვილობილი გვერდი "მიმნი მტკვრის პირას" შეგიძლიათ იხილოთ.

5. დათვების რეაბილიტაცია

და ბოლოს, ყველაზე კეთილი, უწყინარი, თბილი და ღუნღულა გვერდი მათთვის, ვისაც ცხოველები, განსაკუთრებით კი ბელები უყვარს. დათვების რეაბილიტაცია თბილისის ზოოპარკის პროგრამაა იმ ბელებისთვის, რომლებიც დაობლდნენ, ან მოქალაქეებთან უკანონოდ ყოფნის შემდეგ ზოოპარკს მიაბარეს.

მანამ, სანამ ამ პატარა ცხოველებს თქვენს ნიუს ფიდში ხალისი შემოაქვთ, უნდა იცოდეთ, რომ ისინი ამავდროულად ბუნებრივი ქცევის გამოხატვას სწავლობენ. როდესაც მიბარებული ბელი მზად იქნება, მას თბილისის ზოოპარკი ველურ ბუნებაში დააბრუნებს.