ფილმი, რომელსაც 2017 წლის ივლისიდან ველით, კინოთეატრებში სულ მალე ვიხილავთ. მხატვრულ ფილმად ქცეული ანიმაცია ყურპარტყუნა სპლიყვის ისტორიაზე დიდ ეკრანზე 29 მარტიდან გამოდის.

სულ ცოტა ხნის წინ, დისნეიმ დამბოს მესამე და ალბათ ბოლო ტრეილერი გაავრცელა. მასში უკვე ვხედავთ პერსონაჟებს, რომელთა როლებსაც ევა გრინი და დენი დევიტო ასრულებენ.

ახალ ტრეილერში ვხედავთ კოლინ ფარელის გმირსაც და იმასაც, თუ როგორ იწყებს პატარა დამბო ფრენას. თუმცა ეს უკანასკნელი და სხვა დანარჩენი კადრები, ფილმის პირველი და მეორე ტრეილერებიდან უკვე ცნობილი იყო.

1941 წლის ანიმაციური ფილმი მხატვრულ ფილმად ამერიკელმა რეჟისორმა ტიმ ბარტონმა აქცია.

დამბო უამრავი ადამიანის საყვარელი მულტფილმია, რომელიც მოგვითხრობს ისტორიას სპლიყვზე, ვეება ყურებით. მას ამის გამო ბევრი დამცირების ატანა უწევს, თუმცა საბოლოო ჯამში სწორედ ეს ყურები გახდება მისი მთავარი ძალა, რისი დახმარებითაც პატარა სპილოს ფრენასა და გათავისუფლებას შეძლებს.