ვენესუელაში წვრთნების დროს რუსული MI-35-ის ვერტმფრენი ჩამოვარდა. რუსული გამოცემა ინტერფაქსი ცნობით, შემთხვევის დროს ხუთი ადამიანი დაშავდა. შემთხვევა 4 თებერვალს მოხდა, თუმცა მედიაში მხოლოდ ახლა გავრცელდა.

როგორც ინტერფაქსი წერს, ვერტმფრენი უცხოელი დამპყრობლებისაგან ვენესუელის ტერიტორიის დაცვის მასშტაბური სამხედრო წვრთნების დროს ჩამოვარდა. ვენესუელის თავდაცვის სამინისტრო უარყოფს, რომ შემთხვევა წვრთნების დროს მოხდა.

ვენესუელაში უკვე რამდენიმე კვირაა ნიკოლას მადუროს რეჟიმის დამხობის მოთხოვნით საპროტესტო აქციები იმართება. პარლამენტის თავმჯდომარემ და ოპოზიციონერმა, ხუან გუაიდომ საკუთარი თავი ქვეყნის დროებით პრეზიდენტად გამოაცხადა. მას მხარს უჭერენ ლათინური ამერიკისა და ევროპის ქვეყნები, მათ შორის საქართველო. გუაიდოს ლეგიტიმურ მმართველად აღიარებს აშშ და კანადა.

ნიკოლას მადუროს მხარდამჭერებს შორის კი ჩინეთი და რუსეთია. როგორც მადურო, ისე რუსეთი აშშ-ს ქვეყნის შიდა საქმეებში ჩარევაში ადანაშაულებს.

ამავე თემაზე: