ეროვნული ბიბლიოთეკის მოძრაობა "ეკვილიბრიუმის" ფარგლებში ბიბლიოთეკის წარმომადგენლები გორის მუნიციპალიტეტში ოკუპაციის ხაზთან მდებარე სოფელ ზერტს ესტუმრნენ.

ეროვნული ბიბლიოთეკის დირექტორი გიორგი კეკელიძე სოფელ ზერტის სკოლის მოსწავლეებს შეხვდა. სკოლის ბიბლიოთეკას წიგნები გადაეცა.

ფოტო: ეროვნული ბიბლიოთეკა

"ეკვილიბრიუმი" უკვე წლებია სოფლის ბიბლიოთეკებს წიგნებით ამარაგებს. ბევრი მათგანი უახლესი ტექნიკითაც აღიჭურვა. მოსწავლეებისთვის ტარდება საგანმანათლებლო ლექციები. მოძრაობისთვის პრიორიტეტია როგორც სამაჩაბლოს, ისე აფხაზეთის საოკუპაციო ხაზთან მდებარე სოფლების სკოლებისა და ბიბლიოთეკების განვითარება და იქ მცხოვრები მოსწავლეების მხარდაჭერა.