Reuters-ის ინფორმაციით, კრემლი აცხადებს, რომ აშშ-ის ბრალდება, თითქოს დემოკრატიული პარტიის ელექტრონული მეილები მათ გატეხეს, აბსურდია.

ეს განცხადება მას შემდეგ გაკეთდა, რაც აშშ-ის კიბერ უსაფრთხოების ექსპერტებმა და ოფიციალურმა პირებმა რუსეთს აშშ-ის დემოკრატიული პარტიის მეილების გატეხვასა და ამგვარად 8 ნოემბრის არჩევნებზე ზემოქმედების მოხდენის მცდელობაში დასდეს ბრალი.

პრეზიდენტ ვლადიმერ პუტინმა კი ვითარების განსამუხტად განაცხადა, რომ მისთვის აშშ-ის პრეზიდენტობის ნებისმიერი კანდიდატი მისაღებია, თუმცა რესპუბლიკურ პარტიასა და დონალდ ტრამპის კანდიდატურას მიესალმება. მან ტრამპს ძალიან ნიჭიერიც უწოდა და ჰილარი კლინტონის პარტიაზე კიბერ შეტევა გადაჭრით უარყო:

"მე ამის შესახებ არაფერი არ ვიცი. რუსეთს სახელმწიფო დონეზე ასეთი რამ არასდროს გაუკეთებია".

მომხდართან დაკავშირებით კომენტარი გააკეთა კრემლის პრესმდივანმა დიმიტრი პესკოვმაც. მისი თქმით, ეს ხრიკი ახალი არაა და კვლავ მეორდება:

"ეს ჩვენი ურთიერთობისთვის კარგი არაა, მაგრამ ეს უსიამოვნო პერიოდი ბრალოდ უნდა გადავლახოთ".

ანალიტიკოსები აცხადებენ, რომ პუტინისათვის ტრამპის კანდიდატურაა მისაღები და აშშ-ის მილიარდერმა ბიზნესმენმაც არაერთხელ შეაქო პუტინი. ტრამპმა განაცხადა, რომ შესაძლოა მოსკოვთან ისლამური სახელმწიფოს წინააღმდეგ ალიანსიც შექმნას.

აშშ-ში საპრეზიდენტო არჩევნები 2016 წლის 8 ნოემბერს იმართება.