ქალაქის მერი კახა კალაძე "გამოქანების" მოწოდებაზე ოპონენტების კრიტიკას პასუხობს და აცხადებს, რომ მან საზოგადოებასთან ურთიერთობა იცის და ზრდილობა არ აკლია. მისი თქმით, ამ განცხადებით არ ამაყობს, მაგრამ ოპოზიციას სხვა ენა არ ესმის.

ჟურნალისტის კითხვაზე, ხომ არ ნანობს, რომ გაცხარებულზე მსგავსი რამ თქვა, კალაძე პასუხობს: არა გაცხარებული ნამდვილად არ ვყოფილვარ. მისივე თქმით, მას ცენზურა არ დაურღვევეია, მაგრამ სათქმელი მისახვედრად გაააჟღერა.

18 იანვარს თბილისის მერმა ოპონენტების ბრალდებებზე საუბრისას თქვა, რომ მთაწმინდაზე გამოსაქანებელ ადგილს აფართოებს და მათ შეუძლიათ "მთაწმინდიდან გამოექანონ". მერმა ხაზი გაუსვა, რომ ექსპრეზიდენტი მიხეილ სააკაშვილი საქართველოში არ იმყოფება და დაამატა: "მას შეუძლია ჰოლანდიიდან გამოექანოს". მერის სიტყვები არაეთიკურად არ მიიჩნია ქვეყნის პრემიერმინისტრმა. შეფასების შესახებ დასმულ კითხვას ბახტაძემ პოლიტიკური უწოდა და რიტორიკულად იკითხა: "კახას სიტყვებია არაეთიკური? ამის თქმა გსურთ?"