საქართველოს ეროვნული ოლიმპიური კომიტეტის განცხადებით, დოპინგის მიღების გამო თავისუფალი სტილით მოჭიდავე დავით მოძმანაშვილმა 2012 წელს ლონდონის ოლიმპიადაზე მოპოვებული ვერცხლის მედალი უნდა დააბრუნოს. 2017 წლიდან მოძმანაშვილი უზბეკეთის სახელით ასპარეზობს.

კომიტეტის განმარტებით, 2012 წელს აღებული სინჯების საკონტროლო შემოწმებისას მოძმანაშვილის სინჯს დეჰიდროქლორმეთილტესტოსტერონზე (ტურინაბოლი) დადებითი პასუხი აღმოაჩნდა.

საერთაშორისო ოლიმპიური კომიტეტის სადისციპლინო კომისიამ დაადგინა, რომ ქართველმა მოჭიდავემ დაარღვია ანტისადოპინგო წესები და დისკვალიფიკაცია მიესაჯა.