ჯანდაცვის მინისტრის დავით სერგეენკოს თქმით, დიდ დიღომში აფეთქებისას დაშავებულთა რაოდენობა 7-მდე გაიზარდა. მინისტრის თქმით, ერთ-ერთი დაშავებული ბავშვის მდგომარეობა მძიმეა.

"პაციენტი ინტენსიურ მკურნალობას გადის რეანიმაციულ განყოფილებაში იმედის კლინიკაში. მისი მდგომარეობა მძიმეა. ექიმები ყველაფერს აკეთებენ მისი სიცოცხლის გადასარჩენად", — განაცხადა მინისტრმა.

მინისტრის თქმით, 6 დაშავებული იაშვილის კლინიკაში იმყოფება. მისივე თქმით, ამ კლინიკაში მყოფი ერთი ბავშვის მდგომარეობა საყურადღებოა, თუმცა მძიმე არა.

შინაგან საქმეთა სამინისტროს ცნობით, დიდ დიღომში საცხოვრებელი კორპუსის მეექვსე სართულზე მომხდარ გაზის აფეთქებას 3 ადამიანის სიცოცხლე ემსხვერპლა.

საპატრულო პოლიცის უფროსის, თეიმურაზ კუპატაძის ცნობით, კორპუსი, სადაც აფეთქება მოხდა, მაცხოვრებლებმა უკვე დაცალეს.

აფეთქების შედეგად, ასევე დაზიანებულია კიდევ რამდენიმე სართული, მათ შორის პირველი სართული, ჩავარდნილია ლიფტი.

ადგილობრივების ცნობით, მთელი დღის განმავლობაში კორპუსში გაზის სუნი იგრძნობოდა. ადგილზე იმყოფება საგანგებო სიტუაციების მართვის სამსახური, სასწრაფო სამედიცინო დახმარება