ევროკომისია აღმოსავლეთ პარტნიორობის წევრ ქვეყნებში, მათ შორის საქართველოში ინფრასტრუქტურული პროექტებისთვის 13 მილიარდი ევროს დახარჯვას გეგმავს.

ევროკომისიის მიერ გავრცელებულ განცხადებაში ნათქვამია, რომ რეგიონში განსახორციელებელი პროექტის თანხა 4 800 კილომეტრის სიგრძის საავტომობილო და სარკინიგზო გზების, 6 პორტის და 11 ლოჯისტიკური ცენტრის მოწყობას ითვალისწინებს. საერთო ჯამში, დაახლოებით 100 პროექტის დასრულება 2030 წლისთვის იგეგმებს. პროექტს ევროკომისია და მსოფლიო ბანკი ერთად განახორციელებენ.

საქართველოში განსახორციელებელი პროექტები

საქართველოში განსახორციელებელი პროექტები

ფოტო: ევროკომისია

ევროკომისარ იოჰანეს ჰანის განცხადებით, საინვესტიციო პროექტის განხორციელება მათი საერთო ვალდებულებაა, რათა რეგიონის მოსახლეობამ ხელშესახები შედეგები დაინახოს.

"აღმოსავლეთ პარტნიორობის რეგიონსა და ევროკავშირს შორის გაძლიერებულ სატრანსპორტო კავშირს აქვს იმის პოტენციალი, რომ ხელი შეიწყოს ეკონომიკურ ზრდასა და სამუშაო ადგილების შექმნას", — განაცხადა ევროკომისარმა ტრანსპორტის საკითხებში, ვიოლეტა ბალკმა.

აღმოსავლეთ პარტნიორობის სამიტზე პროგრამის წევრი ექვსი სახელმწიფო ტრანსევროპულ სატრანსპორტო ქსელში შეიყვანეს.