თბილისის მერია წერეთლის გამზირისა და სააკაძის მოედანის დამაკავშირებელი ვახუშტის ხიდის რეაბილიტაციას იწყებს. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

მისი თქმით, სარეაბილიტაციო სამუშაოები 4-5 თვის განმავლობაში გაგრძელდება. სამუშაოების დაწყების ზუსტი თარიღი ამ დროისთვის უცნობია.

"ამ პროექტის ფარგლებში გათვალისწინებულია ახალი კონსტრუქციის, სავალი ნაწილის, სადეფორმაციო ნაკერების, რკინა-ბეტონის, თვალამრიდების და ასევე გარე განათების ქსელის, ხიდთან მისასვლელის, სანიაღვრე ჭების, დაზიანებული კედლების რეაბილიტაცია და სანაპირო ბურჯების დასუფთავება. დაახლოებით 4-5 თვის განმავლობაში გაგრძელდება ეს სამუშაოები, იმიტომ, რომ არც თუ ისე სახარბიელო მდგომარეობაშია ეს ხიდი და რეაბილიტაცია აუცილებელია", — განაცხადა კახა კალაძემ.