ეროვნული ბიბლიოთეკის გენერალური დირექტორის, მოძრაობა "ეკვილიბრიუმის" დამფუძნებლის, გიორგი კეკელიძის განცხადებით, 2019 წელს მოძრაობა ასზე მეტი სოფლის ბიბლიოთეკის განახლებას აპირებს.

ეროვნული ბიბლიოთეკის მოძრაობა "ეკვილიბრიუმი" 2012 წლიდან დაიწყო და სოფლის ბიბლიოთეკების განახლება ან აღდგენა დაისახა მიზნად. ეს გულისხმობდა წიგნადი ფონდითა დაკომპიუტერებით დახმარებას და კადრების გადამზადებას.

ფოტო: ეროვნული ბიბლიოთეკა

ფოტო: ეროვნული ბიბლიოთეკა

ფოტო: ეროვნული ბიბლიოთეკა

შემდგომში პროექტი კიდევ უფრო გაფართოვდა და მხარს უჭერდა ისეთ წამოწყებებს, როგორიც იყო ,,წიგნი ყველა სოფელს”, "წიგნი მაღალმთიან სოფლებს", ასევე საქართველოს პრეზიდენტის ფონდის მიერ დაფინანსებულ საქართველოს საბიბლიოთეკო ასოციაციის პროექტს "ინტერნეტი ყველა სოფლის ბიბლიოთეკას”. "ეკვილიბრიუმმა" საქართველოს რეგიონებში, მათ შორის ოკუპირებულ ტერიტორიებთან არსებულ გამყოფ ხაზთან მდებარე სოფლებში 40-მდე სკვერის ბიბლიოთეკა მოაწყო. ჯამში მოძრაობამ რვაასზე მეტი სოფელი მოიარა.

ფოტო: ეროვნული ბიბლიოთეკა

ფოტო: ეროვნული ბიბლიოთეკა

ფოტო: ეროვნული ბიბლიოთეკა

ფოტო: ეროვნული ბიბლიოთეკა

"პროექტის მასშტაბები იმდენად გაფართოვდა, რომ სახალხო მოძრაობის სახე მიიღო და ჩვენ დღეს უკვე ამ მოძრაობის ავანგარდში ვართ. გასახარია,რომ ძალიან ბევრი ადამიანი ეხმაურება პროექტს, ვგულისხმობ წიგნების შემომწირველებს. იმედი მაქვს, მომავალში კიდევ მეტი გამოგვეხმაურება. ამ ეტაპზე რვაასამდე სოფლის ბიბლიოთეკას დავეხმარეთ წიგნადი ფონდით, 200-მდე სოფლის ბიბლიოთეკას წიგნებთან ერთად კომპიუტერებიც გადავეცით", - თქვა გიორგი კეკელიძემ.