არასამთავრობოები ორგანიზაციები შინაგან საქმეთა სამინისტროსა და სახელმწიფო უსაფრთხოების ხელმძღვანელებს მოუწოდებენ, გამოეხმაურონ აუდიტორია 115-ის მიერ გაკეთებულ განცხადებებს იმის შესახებ, რომ, მათი აქტიურობის ფონზე, მათ ოჯახის წევრებსა და ახლობლებზე ზეწოლა ხორციელდება.

NGO-ების განცხადებით, საჭიროა შესაბამისი სამსახურების გენერალურმა ინსპექციებმა დაიწყონ სამსახურებრივი მოკვლევა ხსენებულ ფაქტებთან დაკავშირებით და დროულად გაასაჯაროვონ მისი შედეგები. გარდა ამისა, არასამთავრობოებს მიაჩნიათ, რომ პარლამენტმა უნდა გააკონტროლოს აუდიტორია 115-ის მიერ ბრალდებული ორგანოების საქმიანობა და განიხილოს დროებითი საგამოძიებო კომისიის შექმნის საკითხიც განიხილოს, ე.წ. ოდეერების საკითხის შესწავლის მიზნით, .

მედიასა და საჯარო სივრცეებში აუდიტორია 115-ის წარმომადგენლები უკვე მეორე თვეა საუბრობენ იმაზე, რომ მათი პროტესტის გააქტიურების პარალელურად სამართალდამცავი სისტემის წარმომადგენლების მხრიდან სტუდენტური მოძრაობის არაერთი წევრის ოჯახსა და ახლობელზე ხორციელდებოდა ზეწოლა.

გავრცელებულ განცხადებას ხელს აწერენ: EMC, OSGF, ISFED, ადამიანის უფლებათა ცენტრი, TI, GYLA.