თბილისის მერი საქმიანობის რეკლამირებისთვის Facebook-სა და Instagram-ში 170 ათასი ლარს დახარჯავს. ამ თანხით მერია გეგმავს მისი და მის დაქვემდებარებაში არსებული უწყებების, გამგეობების, საქალაქო სამსახურებისა და კომპანიების საქმიანობის შესახებ მოქალაქეების ინფორმირებას.

ჯამში სულ 33 ფეისბუქგვერდისა და ინსტაგრამის ერთი ანგარიშის (თბილისის მერიის) რეკლამირებაა დაგეგმილი.

"სოციალური ქსელების ფეისბუქისა და ინსტაგრამის ექსკლუზიურ უფლებამოსილებას განსაზღვრავს ის ფაქტი, რომ აღნიშნულ ქსელს საქართველოში, განსაკუთრებით კი თბილისში, სხვა სოციალურ ქსელებთან შედარებით, ყველაზე მეტი მომხმარებელი ჰყავს და სხვა ქსელებთან შედარებით ხასიათდება განსაკუთრებული აქტივობით", — განმარტავს მერია.

გასულ წელს მსგავსი მომსახურებისთვის მერიამ 60 ათასი დოლარი დახარჯა.