უფილტრო სიგარეტის აქციზური განაკვეთი 60 თეთრიდან 1,7 ლარამდე იზრდება. შესაბამისი ცვლილება 2018 წლის ბოლოს საგადასახადო კოდექსში შევიდა.

ცვლილების თანახმად, ფილტრიან და უფილტრო სიგარეტზე აქციზის განაკვეთი გათანაბრდა და 20 ღერზე 1,70 ლარი გახდა. მანამდე უფილტრო სიგარეტზე აქციზის გადასახადო 60 თეთრი იყო.

ინიციატივის ავტორის, ქართული ოცნების დეპუტატის, აკაკი ზოიძის განცხადებით, კანონპროექტის მიზანი ქვეყანაში თამბაქოს მოხმარების შემცირებაა. ასევე გაიზრდება საბიუჯეტო შემოსავლებიც.

კანონის განმარტებითი ბარათის მიხედვით, აქციზის ფასის ზრდის გამო ბიუჯეტის საშემოსავლო ნაწილი 45 მილიონი ლარით გაიზრდება. აქციზის გადასახადში შემოსავლები გაიზრდება 45 მილიონი ლარით. კერძოდ, ახალი განაკვეთით უფილტრო სიგარეტის 40 მილიონი კოლოფი დაიბეგრება.