მიუხედავად იმისა, რომ საქართველოს პარლამენტი აპირებს 5 წლით გაახანგრძლივოს ზვიად გამსახურდიას საქმის გამოძიების ვადა, საქართველოს პირველი პრეზიდენტის შვილები პროკურატურასთან შიმშილობას განაგრძობენ.

მათი თქმით, ამ დრომდე არაფერი გაკეთებულა და არ აქვთ მოლოდინი, რომ მომდევნო 5 წელში საქმე წინ წაიწევს. გამსახურდიას შვილები მათ მიერ ნდობით აღჭურვილი პროკურორის დანიშვნას ითხოვენ.

"ის იყო წინ გადადგმული ნაბიჯი და კარგია რომ გამოძიება არ შეწყდება. მაგრამ ისმის კითხვა, როგორი იქნება ის გამოძიებამ, რომელიც გაგრძელდება კიდევ 5 წელიწადს. თუ ის ისე გაგრძელდება როგორიც აქამდე იყო არავითარი აზრი ამას არ ექნება. ამის გამო მე ვფიქრობ, რომ გამოსავალი არის სპეციალური პროკურორის დანიშვნა, რომელსაც ენდობა როგორც ოჯახი ისე ფართო საზოგადოება", — განაცხადა კონსტანტინე გამსახურდიამ.

ირაკლი კობახიძის განცხადებით, პირველი პრეზიდენტის, ზვიად გამსახურდიას გარდაცვალების საქმის ხანდაზმულობის ვადის გაზრდაზე პარლამენტი კანონს დაჩქარებული წესით მიიღებს.

გამსახურდიების ოჯახის წევრები უკვე მე-10 დღეა მთავარ საგამოძიებო უწყებასთან შიმშილობენ.