პარტიზანული მებაღეობა პარასკევს, 2 სექტემბერს, თბილისის მერიასთან აქცია-კონცერტს გამართავს.

პარტიზანი მებაღის, მარიამ ბაქრაძის განცხადებით, მოთხოვნები უცვლელია:

"ეს იქნება უფრო მასშტაბური აქცია-კონცერტი, საღამოს 6 საათზე. მოთხოვნები იგივეა: გადადგეს თბილისის მერიის ეკოლოგიისა და გამწვანების სამსახურის უფროსი ნინო სულხანიშვილი და მისი მოადგილე, შემდგომ კი მოხდეს ამ სტრუქტურის რეორგანიზაცია იმიტომ, რომ დღეს ვერ ასრულებს თავის მოვალეობას ეს სამსახური."

პარტიზანული მებაღეობის წევრებმა აქციები მას შემდეგ დაიწყეს, რაც ყაზბეგის გამზირზე ასწლოვანი ნაძვები რამდენიმე კვირის წინ გაჩეხეს.