შინაგან საქმეთა სამინისტროს განცხადებით, ნახევარ კილოზე მეტი ჰეროინის შეძენა-შენახვის ბრალდებით 1982 წელს დაბადებული პირი თბილისში დააკავეს.

უწყების მტკიცებით, სამართალდამცველებმა ნახევარ კილოზე მეტი ნარკოტიკული საშუალება პირადი ჩხრეკისას ამოიღეს. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის ა ქვეპუნქტით მიმდინარეობს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.