ხორავას ქუჩის საქმეზე დანაშაულის შეუტყობინებლობისთვის ბრალდებული, მირზა სუბელიანის საქმის განხილვა ისევ გადაიდო. როგორც თბილისის საქალაქო სასამართლოს პრესსამსახურმა On.ge-ს უთხრა, მიზეზი მოსამართლის ჯანმრთელობის მდგომარეობაა, რის გამოც შვებულებაში მოუწია გასვლა.

მირზა სუბელიანის საქმის განხილვა პირველად 15 ნოემბერს ბრალდებულის ჯანმრთელობის მდგომარეობის გამო გადაიდო. ბრალდებულს სურდა, რომ სასამართლოს დასწრებოდა და ითხოვდა, რომ განხილვა მის გარეშე არ დაწყებულიყო.

მირზა სუბელიანი 9 ივნისს დანაშაულის შეუტყობინებლობის ბრალდებით დააკავეს. წარდგენილი ბრალის თანახმად, პირველ დეკემბერს თბილისში, ხორავას ქუჩა #4-ის მიმდებარე ტერიტორიაზე ორი არასრულწლოვნის მკვლელობის შემდეგ მან გაიგო ერთ-ერთი არასრულწლოვნის, გ.ჯ.-ს დანაშაულის შესახებ და არ შეატყობინა სამართალდამცავ ორგანოებს. ადვოკატის თქმით, სუბელიანი ბრალს აღიარებს. სასამართლომ აღკვეთის ღონისძიებად მას პატიმრობა შეუფარდა.