9 წლის გოგოსთან ძალადობით ჩადენილი სექსუალური ხასიათის სხვაგვარი ქმედებისთვის პირს 16 წლითა და 9 თვით თავისუფლების აღკვეთა მიესაჯა.

სასამართლომ პროკურატურის მტკიცებულებები გაიზიარა, რომელთა მიხედვითაც 2018 წლის 2 მარტს, საღამოს საათებში სექსუალური ხასიათის ძალმომრეობითი ქმედებისთვის პირობითი მსჯავრის ქვეშ მყოფმა პირმა 9 წლის გოგო ავტოფარეხებთან მიიყვანა. მან ვარკეთილის მესამე მასივში განთავსებულ ავტოფარეხებთან სექსუალური ხასიათის ქმედება ძალადობით ჩაიდინა.

სამართალდამცველებმა აღნიშნული პირი იმავე დღეს დააკავეს. მას ბრალდება საქართველოს სისხლის სამართლის კოდექსის 138-ე მუხლის მესამე ნაწილის "გ" ქვეპუნქტით დაიწყო. აღნიშნული მუხლი თოთხმეტი წლის ასაკს მიუღწეველთან წინასწარი შეცნობით ძალადობით ჩადენილ სექსუალური ხასიათის სხვაგვარ ქმედებას გულისხმობს.