ცესკოს წინასწარი შედეგებით, მმართველი გუნდის მიერ მხარდაჭერილმა საპრეზიდენტო კანდიდატმა, სალომე ზურაბიშვილმა პარიზის საარჩევნო უბანზე სამი ხმით წააგო. გაერთიანებული ოპოზიციის კანდიდატმა, გრიგოლ ვაშაძემ მიიღო 132 ხმა, ხოლო ზურაბიშვილმა - 129. სალომე ზურაბიშვილმა პარიზის საარჩევნო უბანზე პირველ ტურშიც დამარცხდა.

პირველადი მონაცემებით, ვაშაძე ლიდერობს საზღვარგარეთის საარჩევნო უბნებზე. ცესკოს ამ დროისთვის დათვლილი აქვს ხმების 99,78 პროცენტი. წინასწარი მონაცემებით, მმართველი გუნდის მიერ მხარდაჭერილმა კანდიდატმა, სალომე ზურაბიშვილმა ხმების 59,55 პროცენტი მოიპოვა. გაერთიანებული ოპოზიციის კანდიდატმა გრიგოლ ვაშაძემ კი მოიპოვა ხმების 40,45 პროცენტი.

ორი ეგზიტპოლის შედეგები

რუსთავი 2-ისა და იმედის ეგზიტპოლებით საპრეზიდენტო არჩევნებს მმართველი გუნდის მიერ მხარდაჭერილი კანდიდატი სალომე ზურაბიშვილი იგებს. იმედის შედეგებით, საპრეზიდენტო არჩევნებში მმართველი გუნდის მიერ მხარდაჭერილ კანდიდატს, სალომე ზურაბიშვილს ხმების 58 პროცენტი აქვს. გაერთიანებული ოპოზიციის პრეზიდენტობის კანდიდატმა, გრიგოლ ვაშაძემ კი კი ხმების 42 პროცენტი მიიღო.

რუსთავი 2-ის ეგზიტპოლის შედეგების მიხედვით, საპრეზიდენტო არჩევნებში მმართველი გუნდის მიერ მხარდაჭერილი კანდიდატი, სალომე ზურაბიშვილი 55 პროცენტით იგებს. გაერთიანებული ოპოზიციის პრეზიდენტობის კანდიდატმა კი ხმების 45 პროცენტი მიიღო. რუსთავი 2-მა ედისონ რისერჩის ეგზიტპოლის 17:00 საათის მონაცემები გამოაქვეყნა.

ამავე თემაზე: