ტელეკომპანია რუსთავი 2-ის ინფორმაციით, რუსთავის გარეუბანში, განსაკუთრებულ დავალებათა დეპარტამენტის შენობის წინ, ყვითელი ავტობუსებია მობილიზებული, მასში კი სპეცრაზმის აღჭურვილობაა ჩალაგებული.

კურიერის ჟურნალისტი ადგილიდან იუწყება, რომ მას შემდეგ რაც გადამღები ჯგუფი შენიშნეს, სპეცრაზმმა შეწყვიტა მომზადება და განსაკუთრებულ დავალებათა დეპარტამენტის შენობაში შევიდა.

ავტობუსის მძღოლი აცხადებს, რომ დავალებაზე გამოვიდნენ, თუმცა ჯერ არ იცის, რა დავალებაა:

"სამსახურიდან გამოგვიშვეს, გვითხრეს, მიდით ამა და ამ მისამართზეო. აგერ ველოდებით".

შინაგან საქმეთა სამინისტოში On.ge-ს უთხრეს, რომ საპოლიციო ძალები მთელი ქვეყნის მასშტაბითაა გადანაწილებული უსაფრთხოების დაცვის მიზნით. მათივე ცნობით, პოლიცია გააგრძელებს გადაადგილებას დღის მანძილზე მთელი საქართველოს მასშტაბით.