მუსიკის ჟურნალისტმა ლაშა გაბუნიამ რენტგენის ფირფიტაზე ჩაწერილი კინტოს სიმღერა იპოვა, რომელიც ქართველი მსმენელისთვის ამ დრომდე უცნობი იყო. ამის შესახებ ინფორმაცია popmusic-მა გაავრცელა.

"რენტგენის ფირფიტები სსრკ-ში არსებობდა 1940-1960-იან წლებში, მაგნიტოფონების მასობრივად შემოსვლამდე. მათზე სიმღერები კუსტარულად იწერებოდა 78 ბრ/წთ-ში სიჩქარით", — ვკითხულობთ ლაშას მიერ იუთუბზე გამოქვეყნებული ვიდეოს აღწერაში.

დიდი შანსია, რომ სიმღერა ფარულად ჩაეწერათ, იმის გამო, რომ საბჭოთა კავშირში ჰომოსექსუალური კავშირები აკრძალული იყო. სსრკ-ში ისჯებოდა ცეკვა კინტაურიც (ე.წ. შალახო).

"მუჰამედ და აბდულიც
სიყვარულს მეფიცება,
ორივეს შეყვარება
აბა, როგორ იქნება.

ერთმა შარფი დამპირდა,
სიყვარულისთვის,
მეორე კი თავს იკლავს,
ჩემი გულისთვის", — მღერის კინტო.

მოუსმინეთ 17 სიმღერას, რომელიც ლგბტ მოძრაობის ჰიმნად იქცა.