2018 წლის 19 დეკემბერს ეკრანზე რეჟისორ რობ მარშალის გადაღებული მერი პოპინსის ახალი ვერსია გამოვა.

მერი პოპინსის როლს მსახიობი ემილი ბლანტი ასრულებს. მასთან ერთად ფილმში მერილ სტრიპს, კოლინ ფერტს, ბენ ვიშოუს, ანგელა ლენსბერნს, დიკ ვან დაიკსა და ჯული უოლტერსაც ვიხილავთ.

როდესაც ფილმის გადაღების შესახებ პირველად გახდა ცნობილი, მაყურებელს იმედი ჰქონდა, რომ კინოსურათში აუცილებლად მიიღებდა მონაწილეობას 1964 წელს გამოსული მერი პოპინსის ვარსკვლავი - ჯული ენდრიუსი.

ეს იდეა თავად რობ მარშალსა და ფილმის პროდიუსერებსაც გაუჩნდათ, მათ შესთავაზეს კიდევაც როლი ენდიუსს, თუმცა მისგან უარი მიიღეს.

"როდესაც ჯულის ვუთხარით, რომ მერი პოპინსზე მუშაობას ვიწყებდით, ძალიან გაუხარდა. კიდევ უფრო გაუხარდა, როდესაც გაიგო, რომ მთავარ როლზე ემილი ბლანტს განვიხილავდით და გვითხრა, რომ ძალიან უყვარს ის [ბლანტი] და მის ნიჭს აფასებს. შემდეგ კი შევთავაზეთ, რომ ფილმში ისიც გამოჩენილიყო, თუმცა უარი გვითხრა. ჯული ამბობდა, რომ ეს ემილის შოუ უნდა ყოფილიყო და არ სურდა მისი გამოჩენით ერთ ადამინას მაინც გასჩენოდა აზრი - შეხედეთ, ძველი მერი პოპინსი გამოჩნდა. ჯული ამბობდა, რომ ემილი ბრწყინვალეა და იდეალურად გაართმევდა თავს დაკისრებულ მოვალეობას", - ყვება რობ მარშალი.