სტივ მაქუინის ახალი ფილმი, Widows, სულ რამდენიმე დღეა რაც კინოეკრანებზე გამოვიდა. ფილმმა კრიტიკოსების გარდა მაყურებლების უმაღლესი შეფასებებიც დაიმსახურა და მეტიც, ის 2019 წლის ოსკარზე ერთ-ერთ მთავარ პრეტენდენტად მიიჩნევა საუკეთესო ფილმის, რეჟისორისა და მსახიობი ქალის ნომინაციაში.

ქვრივებში მთავარ როლს შეუდარებელი მსახიობი, ოსკარის მფლობელი ვაიოლა დევისი ასრულებს, პარტნიორობას კი მიშელ როდრიგესი და კოლინ ფარელი უწევენ. ფილმში ასევე ვნახავთ - ლიამ ნისონს, კერი კუნს, რობერტ დიუვალსა და სხვა მსახიობებს.

გთავაზობთ 5 საინტერესო ფაქტს წლის ერთ-ერთ მთავარ კინომოვლენად აღიარებულ ქვრივებზე:

1. რეჟისორი სტივ მაქუინია, რომლის ფილმმაც - 12 Years a Slave, სამი ოსკარი მიიღო

2. ფილმის სიუჟეტი დაფუძნებულია 1983 წელს გადაღებულ ბრიტანულ სერიალზე

3. ფილმში ერთ-ერთი მთავარი როლი ჯენიფერ ლოურენსს უნდა შეესრულებინა, თუმცა სხვა გადაღებების გამო პროექტზე უარი თქვა

4. ფილმის პირველი ვერსია სამ საათიანია, თუმცა საბოლოოდ რეჟისორმა ის 2 საათამდე შეამცირა

5. როდესაც სტივ მაქუინმა ფილმზე მუშაობა დაიწყო, ერთ-ერთი როლი ემი ადამს შესთავაზა, თუმცა საბოლოოდ პროექტზე უარი თქვა